മായയും അവിദ്യയും തമ്മിലുള്ള ബന്ധമെന്ത്?

അദ്വൈത വേദാന്തം ഇന്ത്യൻ ഫിലോസഫി ദാർശനിക നുറുങ്ങുകൾ Latest Posts

About Author: –

Sunil Upasana hails from Thrissur in Kerala and has been living in Bengaluru for 13 years. He is BA in Philosophy and Diploma Holder in Computer H/W Mainte.  Sunil is a winner of prestigious Kerala Sahitya Academy Endowment Award for short stories, in 2018. Read More.


അവിദ്യയും മായയും വ്യത്യസ്തമാണെന്ന നിലപാട് ചില പൗരാണിക വേദാന്തികൾ എടുത്തിട്ടുണ്ട്. എന്നാൽ അവ തമ്മിൽ ഭിന്നതയില്ല എന്നാണ് ശങ്കരഭാഷ്യത്തിൽ നിന്നു മനസ്സിലാകുന്നത്.

അവിദ്യയും മായയും ഒന്നാണ്. അവിദ്യ വ്യക്തിതലത്തിൽ നിൽക്കുമ്പോൾ അവിദ്യ, അജ്ഞാനം എന്നിങ്ങനെ വിളിക്കപ്പെടുന്നു. അവിദ്യ ബ്രഹ്മതലത്തിൽ നിൽക്കുമ്പോൾ മായ എന്നു അറിയപ്പെടുന്നു. മായ – അവിദ്യ വിഭജനം, ആശയം മനസ്സിലാക്കാൻ വേണ്ടിയുള്ളത് മാത്രമാണ്. ഒരു ഉദാഹരണം വഴി പറയാം.

ഒരു വനത്തിൽ ധാരാളം വൃക്ഷങ്ങൾ ഉണ്ടാകുമല്ലോ. വനം എന്നത് വൃക്ഷങ്ങളുടെ സഞ്ചയമാണ്. ഒപ്പം, വനത്തിലെ ഓരോ വൃക്ഷത്തിനും അതിന്റേതായ വ്യക്തിത്വവുമുണ്ട്. ഇവിടെ, വനത്തെ നമുക്ക് മായ ആയും, വനത്തിലെ ഓരോരോ വൃക്ഷങ്ങളെ അവിദ്യയായും കണക്കാക്കാം. അവിദ്യയുടെ ഒരു ബൃഹദ്‌രൂപമായി മായയെ കരുതുക.

ഓരോ മോക്ഷാർത്ഥിയും അടിസ്ഥാനപരമായി ബ്രഹ്മം തന്നെയാണ് (സർവ്വം ഖലു ഇദം ബ്രഹ്മം). അപ്പോൾ അവരിലുള്ള അവിദ്യയെ കൂടി കണക്കിലെടുക്കുമ്പോൾ ബ്രഹ്മം – മായ സമവാക്യം തന്നെയാണ് ഓരോ മോക്ഷാർത്ഥിയിലും (ഓരോ മനുഷ്യനിലും) ഉള്ളതെന്നു കാണാം. മോക്ഷാർത്ഥിയുടെ / നമ്മുടെ സ്വാഭാവിക മോക്ഷനില മറച്ചു പിടിക്കുന്ന ഒരു ആവരണമാണ് അവിദ്യ. ശ്രവണ – മനന – നിദിധ്യാസന മൂലം അവിദ്യ എന്ന ആവരണം നീങ്ങി മാറുമ്പോൾ മോക്ഷാർത്ഥി / മനുഷ്യർ അവരവരിലെ സ്വാഭാവിക മോക്ഷാവസ്ഥ മനസ്സിലാക്കി ബ്രഹ്മസാക്ഷാത്‌കാരം നേടുന്നു.

Read More ->  ആർഷദർശനങ്ങൾ - പുതിയ പുസ്തകം

അഭിപ്രായം എഴുതുക