സുനിൽ ഉപാസന | Sunil Upasana
സുനിൽ ഉപാസന | Sunil Upasana
തൃശൂർ ജില്ലയിൽ, ചാലക്കുടിക്കു അടുത്തുള്ള കക്കാട് ഗ്രാമത്തിൽ ജനനം. കമ്പ്യൂട്ടർ എൻജിനീയറിങ്ങിൽ ത്രിവൽസര ഡിപ്ലോമ. ഫിലോസഫിയിൽ ബിഎ ബിരുദം. പുസ്‌തകങ്ങൾ — കക്കാടിന്റെ പുരാവൃത്തം, ആർഷദർശനങ്ങൾ, ബൊമ്മനഹള്ളിയിലെ പോസ്റ്റ്‌മാൻ, ദിമാവ്‌പൂരിലെ സർപഞ്ച്. ഇപ്പോൾ ബെംഗളുരുവിൽ ഐടി രംഗത്ത് ജോലി ചെയ്യുന്നു. Email: sunil@sunilupasana.com | WhatsApp: 8281197641. Read More.
സുനിൽ ഉപാസനയുടെ പുതിയ പുസ്തകം. വാങ്ങുക! വായിക്കുക!
ദിമാവ്‌പൂരിലെ സർപഞ്ച്
രചന: സുനിൽ ഉപാസന.
പബ്ലിഷർ: ലോഗോസ് ബുക്ക്‌സ്.
കവർ: ജിഷ്‌ണുദേവ് വെഞ്ഞാറമൂട്.
വിഭാഗം: ത്രില്ലർ നോവൽ.
പേജുകൾ: 100.
വില: 140 രൂപ.
ഇക്കാലത്തു ജന്മദിനങ്ങള്‍ ആഘോഷിക്കുക പതിവില്ല. പരാധീനതകളുണ്ടായിരുന്ന ഒരുകാലത്തിന്റെ സ്മരണകള്‍ മനസ്സില്‍ തങ്ങി നില്‍ക്കുന്നിടത്തോളം കാലം അതെല്ലാം മറന്നു പിറന്നാളുകള്‍ ആഘോഷിക്കാന്‍ മനസ്സിനുള്ള വിമുഖതയെ ഞാന്‍ ആദരിക്കുന്നു, ബഹുമാനിക്കുന്നു. പക്ഷേ പണ്ട് കാര്യങ്ങള്‍ ഇങ്ങിനെയായിരുന്നില്ല. ചെറിയ ഒരു ആഘോഷം അമ്മ തരപ്പെടുത്തുമായിരുന്നു.
പിറന്നാള് മാസം ഒന്നാംതീ‍യതി അമ്മ ഓര്‍മിപ്പിക്കും..
“ഈ വരുന്ന ശനിയാഴ്ച പിറന്നാളാട്ടോ”
പിറന്നാളിന്റെ തലേദിവസം പത്തായത്തിൽനിന്നു ഒരുപിടി കുത്തരി തയ്യാറാക്കിയെടുത്തു പിറ്റേന്ന് തേങ്ങയും ശര്‍ക്കരയുമിട്ടി ലളിതമായ ഒരു അരിപ്പായസം ഉണ്ടാക്കും. ഉച്ചക്കു സാമ്പാർ കൂട്ടി വയര്‍ നിറച്ചു ഊണ്. വൈകുന്നേരം ചായക്കു കടിക്കാന്‍ അരിവറുത്തു ഉരലിലിട്ടു ഇടിച്ച് ശര്‍ക്കരയും നാളികേരവും കൂട്ടിക്കുഴച്ച പലഹാരം. തീര്‍ന്നു പിറന്നാള് വിഭവങ്ങൾ.
ജന്മദിനത്തില്‍ മുടക്കമില്ലാതെ നടത്തുന്ന ചര്യയാണ് വീടിനടുത്തുള്ള ക്ഷേത്രങ്ങള്‍ സന്ദര്‍ശിക്കല്‍. രാവിലെ അയ്യങ്കോവ് അമ്പലക്കുളത്തില്‍ മുങ്ങിക്കുളി. ഈറനുടുത്തു ശാസ്താവിന്റെ നടക്കൽ, ദീപസ്തംഭത്തിനു മുന്നിൽ, സാഷ്ടാംഗപ്രണാമം. ചുറ്റമ്പലത്തിനുള്ളില്‍ കടന്നു ശ്രീകോവിലിനു മുന്നില് ഒരുമിനിറ്റു നേരം ധ്യാനനിമഗ്നനായശേഷം പേരും നാളും പറഞ്ഞു ഒരു പുഷ്പാഞ്ജലി.
“സുനില്‍… അശ്വതി!”
ശ്രീനിവാസസ്വാമി ഉരുക്കഴിക്കുന്ന നിഗൂഢങ്ങളായ ഒരുപാടു അവ്യക്തമന്ത്രണങ്ങൾ ശ്രവിച്ചു, അറിയാവുന്ന സ്വാമിശരണങ്ങൾ എല്ലാം വിളിക്കും. എല്ലാ പൂജകള്‍ക്കുമൊടുവില്‍, കൈവെള്ളയില്‍ വന്നുവീഴുന്ന വാഴയിലച്ചീന്തില്‍നിന്നു ഒരുനുള്ള് സിന്ദൂരം വാരി നെറ്റിയില്‍ തേച്ചു കൈക്കുമ്പിള്‍ വളച്ചുപിടിച്ച് നെറ്റിയിലെ സിന്ദൂരത്തിലേക്കു, അതിന്റെ തരികള്‍ തെറിച്ചുപോകാൻ, ഒന്നാഞ്ഞ് ഊതും. അമ്പലക്കുളത്തിൽനിന്നു വെള്ളമെടുത്തു അതിൽ ചന്ദനംചാലിച്ച് സിന്ദൂരത്തിനു മീതെ ഒരു വര. കരി പിടിച്ച, പഴക്കമേറിയ ദീപസ്തംഭത്തിലെ കരി വാരിയെടുത്തു മറ്റൊരു വര വേറെയും.
വീ‍ട്ടിലെത്തുമ്പോള്‍ മധുരമുള്ള ആവിപാറുന്ന ചായ ഉറപ്പാണ്. അതു ആസ്വദിച്ചു സാവധാനം മൊത്തിക്കുടിക്കുമ്പോള്‍ അറിയാതെ കണ്ണുനിറയും. അഞ്ചുമിനിറ്റ് മുത്തശ്ശിയുടെ കൂടെ ചിലവഴിച്ചശേഷം അച്ഛന്റെ തല്ലിപ്പൊളി സൈക്കിളിൽ തീരദേശം റോഡുവഴി വന്‍പുഴക്കാവ് ക്ഷേത്രത്തിലേക്കു പോകും, ദുര്‍ഗാദേവിയെ കാണാന്‍. മുടക്കാനാകാത്ത മറ്റൊരു ചര്യ. പൊട്ടിപ്പൊളിഞ്ഞ റോഡ് താണ്ടി അമ്പലത്തിലേക്കുള്ള ഇടവഴിക്കു സമീപം എത്തുമ്പോഴേക്കും ദേഹം വിയര്‍ത്തിരിക്കും. ഇടവഴിയുടെ തുടക്കത്തില്‍ കവുങ്ങിന്‍‌തടി കൊണ്ടുണ്ടാക്കിയ ചെറിയ ബാരിക്കേഡിന് സമീപം സൈക്കിള്‍ ചാരിവെച്ചു ഒരുമിനിറ്റു സമയം കിതപ്പടങ്ങാനായുള്ള കാത്തുനിൽ‌പ്പ്. പിന്നെ കരിയിലകള്‍ മൂടിക്കിടക്കുന്ന ആ നീണ്ട നിശബ്ദമായ ഇടവഴിയിലൂടെ ക്ഷേത്രത്തിലേക്ക്.
കാലപ്പഴക്കം മൂലം കരിപിടിച്ച ദീപസ്തംഭത്തിനു മുന്നില് തൊഴുകൈകളോടെ നില്‍ക്കുപ്പോൾ മനസ്സിൽ സ്മരണകൾ അലയടിച്ചുയരും. ഭാസ്കരന്‍ അമ്മാവന്റെ കൂടെ മാരാര്ക്കു കോഴിയെ ഗുരുതി കൊടുക്കാന്‍ വന്നത്. ഗുരുതിക്കുശേഷം ജീവിതത്തില്‍ ആദ്യമായും അവസാനമായും ഒരിറക്ക് പുളിച്ച കള്ള് കുടിച്ചത്. മൂക്കു പൊത്താതെ വായോടു അടുപ്പിച്ചപ്പോൾ കള്ളിന്റെ വാടഗന്ധം ഓക്കാനിക്കാന്‍ പ്രേരിപ്പിച്ചു. കുടിക്കാതെ തന്നെ കള്ളൊഴിച്ച ചിരട്ട അമ്മാവനു തിരിച്ചുകൊടുത്തപ്പോൾ നേർത്ത ചിരിയോടെയുള്ള അമ്മാവന്റെ ആ പരുത്ത പരുത്ത ശബ്ദം.
“മാരാര്ടെ പ്രസാദാ. മൂക്കുപൊത്തി കൊറച്ച് കുടിച്ചോ“
ഭദ്രകാളി പ്രതിഷ്ഠക്കുമുന്നില്‍ നില്‍ക്കുമ്പോള്‍ കണ്ണുകളൾ അറിയാതെ ശ്രീകോവിലിലെ അനേകം വാളുകളിൽ ഏറ്റവും വലുതില്‍ നോട്ടമുടക്കും. ഉദ്ദിഷ്ടകാര്യം സാധിച്ചതിനു മുത്തച്ഛൻ ഭഗവതിക്കു വഴിപാട് കൊടുത്ത വാൾ. ചുവന്ന പട്ടുടുത്തു ചന്ദനംകൊണ്ട് അലങ്കരിച്ചിരിയ്ക്കുന്ന ദേവീവിഗ്രഹത്തിനു മുന്നില് ധ്യാനനിരതനായി നിന്നശേഷം പിന്തിരിയുമ്പോള്‍ തിരുമേനിയുടെ അന്വേഷണവും മുടങ്ങാറില്ല.
“പിറന്നാളാണല്ലേ!”
എങ്ങിനെയറിഞ്ഞു. ആ ചിന്തയില് അല്‍ഭുതത്തോടെയുള്ള അമ്പരപ്പ്. നമ്പീശന്റെ മുഖത്തു മന്ദഹാസം.
“അമ്മ ഇന്നലെ വന്ന്ണ്ടായിരുന്നു. വൈകീട്ട് പുഷ്പാജ്ഞലി കഴിച്ചു”
അതെ. അമ്മ എല്ലാം അറിയുന്നു. എല്ലാം ചെയ്യുന്നു.
ചെറിയ വഴുക്കലുള്ള തറയിലൂടെ ശ്രീകോവിലിനെ മൂ‍ന്നുവട്ടം വലംവച്ചു, പിന്നോക്കം നടന്നു ചുറ്റമ്പലത്തിൽനിന്നു പുറത്തിറങ്ങും. ഒരിക്കൽകൂടി മനമുരുകി പ്രാര്‍ത്ഥന. അമ്മേ ദേവീ കാത്തോളണേ. സിമന്റുവിരിച്ച പരുക്കൻ പ്രദക്ഷിണവഴിയിലൂടെ, ചുറ്റുമുള്ള നന്ത്യാര്‍വട്ടപ്പൂക്കളോടു കുശലം ചോദിച്ചു, ക്ഷേത്രത്തെ വലംചുറ്റുമ്പോള്‍ ഒരുവശത്തു കാറ്റിനോടു ശൃംഗരിച്ച് മന്ദമൊഴുകുന്ന പുളിക്കകടവ് പുഴ കാണാം. തിരക്കുകള്‍ എത്രയുണ്ടെങ്കിലും കാലുകള്‍ അങ്ങോട്ടു ചലിയ്ക്കും. ചെടികളും വള്ളികളും വളര്‍ന്നു കിടക്കുന്ന പൊട്ടിപ്പൊളിഞ്ഞ കല്‍‌പടവുകള്‍. ആ പടവുകളില്‍ ദിവസവും കുളിക്കാനിറങ്ങുന്ന അപൂര്‍വ്വമാളുകളുടെ കാലടികള്‍ നിരന്തരം പതിഞ്ഞു തെളിഞ്ഞ നേര്‍ത്ത ഒറ്റയടിപ്പാത. കാലടികള്‍ തെന്നാതെ കൊച്ചുകുട്ടിയേപ്പോലെ പതുക്കെ അടിവെച്ചു പുഴയിലേക്ക്. കുളിര്‍മ്മയുള്ള പുഴവെള്ളത്തിന്റെ തലോടല്‍. ചെറുമത്സ്യങ്ങള്‍ കണ്ണങ്കാലില്‍ കാണിക്കുന്ന വികൃതികള്‍. അവയൊക്കെ എന്റെ മനസ്സിനെ വല്ലാതെ ഉല്ലാസഭരിതമാക്കും. ഒരു കൈക്കുമ്പിളില്‍ വെള്ളമെടുത്തു നെറ്റിയിൽ ചന്ദനംപൂശിയിരിക്കുന്ന ഭാ‍ഗമൊഴിച്ചിട്ട് മുഖം കഴുകും. കല്‍‌പടവിലെ നനവില്ലാത്ത ഏതെങ്കിലും ഭാഗത്തു കുറച്ചുസമയം പലതുമാലോചിച്ചു ഇരിക്കാൻ ഒരിക്കലും മറക്കാറില്ല. ആരെങ്കിലും കുളിക്കാന്‍ വരുമ്പോള്‍, അല്ലെങ്കില്‍ ഓര്‍മകള്‍ ശല്യപ്പെടുത്താന്‍ തുടങ്ങുമ്പോള് മാത്രം മടക്കയാത്രക്കായി എഴുന്നേല്‍ക്കും.
ഉച്ചക്കു അമ്മക്കും അച്ഛനും ചേട്ടനുമൊപ്പം ചോറും സാമ്പാറും പപ്പടവും കൂട്ടി ഊണ്. വൈകീട്ടു അയ്യങ്കോവ് ശാസ്താവിന്റെ നടയില്‍ പതിവുള്ള സന്ദര്‍ശനം. മൈക്കിലൂടെ അലകള്‍തീര്‍ത്തു വരുന്ന പഞ്ചവാദ്യത്തില്‍ ലയിച്ച് വിജുച്ചേട്ടനോടൊത്ത് അമ്പലക്കുളത്തിന്റെ കൈവരിയില്‍ നീണ്ടുനിവര്‍ന്നുള്ള ശയനം. പൂജകള്‍ കഴിഞ്ഞു ഹരിവരാസനം പാടി ശ്രീനിവാസസ്വാമി വാഴയിലക്കീറില്‍ കുറച്ച് നിവേദ്യപ്പായസം കൊണ്ടുവന്നു തരും. കുറച്ചു കഴിച്ച് ബാക്കിയുള്ളത് അമ്പലക്കുളത്തിലെ മത്സ്യങ്ങൾക്കു കൊടുക്കും. വീണ്ടും കൈവരിയിലേക്കു. മലര്‍ന്നു കിടന്ന് ആകാശത്തിലെ നക്ഷത്രങ്ങളെ എണ്ണിയെണ്ണി…
ഇതൊക്കെയായിരുന്നു എന്റെ പിറന്നാള് ദിനങ്ങളെ സജീവമാക്കിയിരുന്നത്. ഇവയെക്കൊണ്ട് സ‌മൃദ്ധമായിരുന്നു എന്നുമെന്റെ ജന്മദിനങ്ങള്‍. ഇപ്പോ എല്ലാം കൈമോശം വന്നു. തിരിച്ചു കിട്ടാനാവാത്തവിധം കൈമോശം വന്നു.
എന്തിനിപ്പോൾ ഇതൊക്കെ എഴുതി എന്നാണ് സുഹൃത്തുക്കളുടെ ചോദ്യമെങ്കില്‍ ഇതാ മറുപടി. നാളെ ഉപാസനക്ക് ‘മലയാള ബൂലോക‘ത്തു രണ്ടുവയസ്സ് തികയുന്നു. കഴിഞ്ഞുപോയ വർഷത്തിലും ജീവിതം എന്നത്തേയും പോലെ തിരിച്ചടികളാല് സ‌മൃദ്ധമായിരുന്നു. നേട്ടങ്ങളുണ്ടെങ്കില് അതു ബ്ലോഗിൽനിന്നു മാത്രവും. കുറച്ചു നല്ല സൌഹൃദങ്ങൾ. കുറച്ചു നല്ല സഹകരണങ്ങൾ. അങ്ങിനെയങ്ങിനെ നീളുന്നു ആ സന്തോഷാശ്രുക്കൾ.
<>ചുവന്ന പട്ടുടുത്ത് ചന്ദനം കൊണ്ട് അലങ്കരിച്ചിരിയ്ക്കുന്ന ദേവീവിഗ്രഹത്തിന് മുന്നില് മുന്നില് ധ്യാനനിമഗ്നനായി നില്‍ക്കാന് തുടങ്ങുമ്പോള് തിരുമേനിയുടെ അന്വേഷണവും മുടങ്ങാറില്ല.“പിറന്നാളാണല്ലേ..?”എങ്ങിനെയറിഞ്ഞു എന്ന ചിന്തയില് അമ്പരക്കുമ്പോള് നമ്പീശന്റെ സ്വരം കാതില് അലയടിയ്ക്കും.“അമ്മ ഇന്നലെ വന്ന്ണ്ടായിരുന്നു. വൈകീട്ട് പുഷ്പാജ്ഞലി കഴിച്ചു.”<><>നാളെ ഉപാസനയ്ക്ക് ‘ബൂലോക‘ത്ത് രണ്ട് വയസ്സ് തികയുന്നു. കഴിഞ്ഞ പോയ വര്‍ഷത്തിലും ജീവിതം എന്നത്തേയും പോലെ തിരിച്ചടികളാല് സ‌മൃദ്ധമായിരുന്നു. നേട്ടങ്ങളുണ്ടെങ്കില് അത് ബ്ലോഗില് നിന്ന് മാത്രവും.കുറച്ച് നല്ല സൌഹൃദങ്ങള്, കുറച്ച് നല്ല സഹകരണങ്ങള്..! അങ്ങിനെയങ്ങിനെ നീളുന്നു ആ സന്തോഷാശ്രുക്കള്..!<>അഭിപ്രായങ്ങള്‍ അറിയിച്ച്, ഹാര്‍ദ്ദവമായി പ്രോത്സാഹിപ്പിച്ചവര്‍ക്ക്…ഒരിയ്ക്കല്‍ പോലും ഒന്നും മിണ്ടാതെ പോകുന്ന മറ്റനേകം സുഹൃത്തുക്കള്‍ക്ക്…പിന്നെ… പിന്നെ, പ്രതിസന്ധികള്‍ക്കിടയിലും തകര്‍ന്ന് വീഴാതെ താങ്ങി നിര്‍ത്തിയ പരം‌പൊരുളിന്…എല്ലാവര്‍ക്കും ഉപാസനയുടെ പ്രണാമം.🙂 എന്നും സ്നേഹത്തോടെ സുനില്‍ || ഉപാസന
സന്തോഷ ജന്മദിനം 🙂
This post is being listed please categorize this post < HREF="http://www.keralainside.net/blogs/" REL="nofollow">http://www.keralainside.net<>
ആശംസകൾ…ബ്ലോഗുപരമ്പരദൈവങ്ങളും ഗൂഗുൾഭഗവതിയും അനോനിമുത്തപ്പനും അനുഗ്രഹിക്കട്ടെ….
ഇനിയും ഇനിയും ബൂലോകാംബയെ നല്ല നല്ല സൃഷ്ടികളാല്‍ അലങ്കരിക്കൂ.ആശംസകള്‍.!
“ഉപ്പാസനക്കിന്നല്ലൊ നല്ല നാള് പിറന്നാള്“ആശംസകള്‍..പിറന്നാളിനല്ല!ഈ കലക്കന്‍ പോസ്റ്റിന്..;)
പിറന്നാളിന്റെ സന്തോഷങ്ങള്‍ എന്നായിക്കോട്ടെ..നല്ല ഓര്‍മ്മകളായിരുന്നൂലോ.ആശംസകള്‍.. ബ്ലോഗിനും,ഉപാസനയ്ക്കും, പോസ്റ്റുകള്‍ക്കുമെല്ലാം..
സമാനമായ എന്റെ ബാല്യത്തെക്കുറിച്ച് ഓര്‍മ്മിപ്പിച്ചതിന് ഒരായിരം നന്ദി.ആശംസകള്‍…………
സുനീകുറേ വര്‍ഷങ്ങള്‍ പിറകിലേക്കു നോക്കുമ്പോള്‍ സമാനമായ എന്റേയും ഭൂതകാലം ഓര്‍മ്മ വരുന്നു. വലിയ വ്യത്യാസങ്ങളൊന്നുമില്ല 🙂 (പിറന്നാളിനുമാത്രം നിറച്ചുണ്ണാന്‍ ഭാഗ്യമുള്ള പെരുവയറ്!! ഹ ഹ ) ഓര്‍മ്മകളുടെ ചുറ്റമ്പലത്തിലേക്കു കൊണ്ടുപോയി നിന്റെ കുറിപ്പ്.രണ്ടു വയസ്സു തികയുന്ന ഉപാസനക്ക് പിറന്നാളാശംസകള്‍.
രണ്ടു വയസ്സു തികയുന്ന ഉപാസനക്ക് എന്റെ പിറന്നാളാശംസകള്‍….
nice
വാങ്മയങ്ങല്‍ സൃഷ്ടിയ്ക്കാന്‍ അപാരകഴിവാണ് അല്ലേ?കരളുരുക്കുന്ന ഈ എഴുത്ത്. അതു പ്രകടമാക്കുന്ന നിര്‍മ്മല മനസ്സ്. ഇതൊന്നും ഞങ്ങള്‍ക്കൊന്നുമില്ല കെട്ടൊ. ഞങ്ങള്‍ ഉപാസിക്കട്ടെ?നന്നായി വരും, തീര്‍ച്ച.
അപ്പൊ ഇന്നു ഇവിടെ രണ്ടു വയസു തികഞ്ഞു അല്ലെ …. നാളെ എനിക്കും ഒരു വയസാകും .പിറനാള്‍ ഓര്‍മ്മകള്‍ നന്നായിരിക്കുന്നു .
നന്മകള്‍ നേരുന്നു..
പിറന്നാളാശംസകള്‍!!ആട്ടെ, അപ്പോള്‍ ഉപാസനയുടെ ശരിക്കുള്ളപിറന്നാള്‍ എന്നാണ്?
ഉപാസനെ കൂടുതൽ കരുത്തോടെ എഴുതു ഇനിയും മികച്ച രചനകൾ നിങ്ങളുടെ തൂലികയിൽ വിരിയട്ടേആശംസകൾ രണ്ടാം പിറന്നാൾ ആശംസകൾ
ഒന്നല്ല ഒരുപാടു കൊല്ലം വയനയുടെ വസന്തമായി ഇനിയും ഒരു പാട്‌ പിറന്ന്ളുകൾ അഘോഷിച്ചു സുനിൽ എന്നും ഇവിടെ ഉണ്ടാവട്ടെ എന്നു പ്രാർഥിക്കുന്നു
നല്ല വിവരണം. ഒരു ക്ലാസിക്ക് ടച്ചുണ്ട്. തുടരുക. എല്ലാ ഭാവുകങ്ങളും.
ആശംസകള്‍ അശ്വതീനക്ഷത്രമേ….എന്ന് ദിവസങ്ങള്‍ക്കുമുന്‍പ് ബൂലോകത്ത് ഒന്നാം പിറന്നാള് നിശ്ശബ്ദമായി ആഘോഷിച്ച ഒരു ആതിര നക്ഷത്രം..:-)
പിറന്നാൾ ആശംസകൾ ഉപാസന
ജീവിതത്തില്‍ ഇന്നുവരെ ഒരിക്കലും ഇത്തരം ഒരു പിറന്നാള് ഞാനാഘോഷിച്ചിട്ടില്ല. വരികളിലൂടെയും വാക്കുകളിലൂടെയുമൊക്കെയാണെങ്കിലും ഇങ്ങനൊന്ന് ആഘോഷിക്കാന്‍ എന്റെ അടുത്ത പിറന്നാളിന് ഞാന്‍ ഈ പോസ്റ്റ് വീണ്ടും എടുത്ത് വായിക്കും, തീര്‍ച്ച.“ ഇനിയും കുറച്ച് നാളുകള്‍ കൂടെ ‘എന്റെ ഉപാസന‘ തുടരാന്‍ ആഗ്രഹമുണ്ട്.“എന്തിനാണ് മാഷേ അങ്ങനൊരു വരി? ഈ ഉപാസന ഒരുപാട് നാള് തുടരാന്‍ സര്‍വ്വേശ്വരന്‍ കനിയുമാറാകട്ടെ.
എന്റെ ഉപാസനയ്ക്ക് ജന്മദിനാശംസകള്‍..ഇനിയും അനവധി കാലങ്ങള്‍ ബൂലോഗത്ത് സജീവമായി നിലനില്‍ക്കട്ടെ “ എന്റെ ഉപാസന”** പിറന്നാള് ദിനം സ്കൂളുണ്ടാവില്ലെ..? അതൊ അന്നു പോവില്ലാന്ന് വയ്ക്കൊ..?
ആശംസകള്‍..പോസ്റ്റ് ഇഷ്ടായി..ഇഷ്ടായി..ഇഷ്ടായി.
ദേ ഉപാസനേ ഞാന്‍ വന്നു! തൊടങ്ങാം, വാള്‍ വെക്കൂ, അല്ല എടുക്കൂ.. ഹഹഹ.. 😀
രണ്ടാം വാര്‍ഷിക ആശംസകള്‍…പോസ്റ്റ് ടച്ചിങ് ആയി.
Dear Acharyan,I am going to publish Ganguly Post not in this blog. Check ma profile. you can see a new blog named “maryadamukke”.I have not commenced posting in that blog. So you need to wait some more time.Ma this Blog is for “ma special Posts”🙂 UpasanaOff : Vaal eduththan koythe Njaan pOkoo. So i am not picking vaaL. 🙂
ആശംസകള്‍
Ee vilakku ennum anyaathirikkatte. Ashamsakal.
ormakalkkenthu sugantham…………
ഉപാസനയ്ക്ക് ദീര്‍ഘായുസ്സ് നേരുന്നു
വൈകിയെത്തിയതുകൊണ്ട് ഒരു നല്ല വര്‍ഷം തന്നെ ആശംസിക്കുന്നു. 🙂
ente koodi naadinekkurichu vaayikkumpol oru sukham….
🙂
ആശംസകള്‍.!
പിറന്നാളിന് ആശംസകള്‍ അര്‍പ്പിച്ച എല്ലാവര്‍ക്കും ഉപാസന നന്ദി പറയുന്നു.കൊറോത്ത് : ‘എന്റെ ഉപാസന’ യിലെ ആദ്യകമന്റിന് നന്ദി പറയട്ടെ. പല ജന്മദിനങ്ങളും എനിയ്ക്ക് സന്തോഷത്തിന്റേതായിരുന്നില്ല. ഇനിയുള്ളതിന്റെ കാര്യം പറയാറായിട്ടില്ല. 🙂കേരളാഇന്‍സൈഡ്.നെറ്റ് : ലിസ്റ്റ് ചെയ്യിച്ചതില്‍ സന്തോഷം. 🙂വികടശിരോമണി : തനി ബ്ലോഗന്‍ ശൈലിയിലുള്ള ഈ ആശംസ ഇഷ്ടമായി. എനിയ്ക്ക് എല്ലാവരുടേയും സഹകരണങ്ങളും അനുഗ്രഹങ്ങളും മാത്രം മതി. കാക്കുവാന്‍ ശാസ്താവുണ്ട്. 🙂വേണുമാഷെ : മാഷിന്റെയൊക്കെ പ്രതീക്ഷകള്‍ക്കൊത്തുള്ള പോസ്റ്റുകള്‍ ഇടാന്‍ പരമാവധി ശ്രമിക്കുന്നതാണ്. ആശംസകള്‍ക്ക് നന്ദി. 🙂പ്രയാസി : ഈ ഒരു വരി പാട്ട് പ്രയാസി തന്നെ എഴുതിയതാണൊ. ഒരു മാപ്പിളപ്പാട്ടിന്റെ ഈണം ഇതിന് ചേരുമെന്ന് തോന്നുന്നു. 🙂പീയാറേ : സന്തോഷമൊന്നും ഇപ്പോ മനസ്സിലില്ല. നോവുകള്‍, നൊമ്പരങ്ങള്‍ മാത്രമേയുള്ളൂ. പിന്നെ ഓര്‍മകള്‍ എല്ലായ്പ്പോഴും എല്ലാവര്‍ക്കും മധുരതരമായിരിയ്ക്കും. ചില ഓര്‍മകള്‍ നൊമ്പരപ്പെടുത്തും. പക്ഷേ ആ നൊമ്പരത്തിലും സുഖകരമായ ഒരു അനുഭൂതിയുണ്ടാകുമെന്നാണ് എനിയ്ക്ക് തോന്നുന്നത്. ആശംസകള്‍ക്ക് നന്ദി. 🙂 വിജയന്‍ ഭായ് : ഇത്തരം പിറന്നാളുകള്‍ ആഘോഷിച്ചിട്ടുള്ളത് ഞാനൊറ്റയ്ക്കല്ല എന്നൊക്കെ എനിക്ക് തീര്‍ച്ചയാണ്. ഒരാളെ കണ്ട് മുട്ടിയതില്‍ ഒരിത്തിറ്റി വേദന്‍, സന്തോഷം.. അങ്ങിനെയങ്ങിനെ. നന്ദി. 🙂 ആശസകള്‍ അറീയിച്ച എല്ലാവര്‍ക്കും ഉപാസനയുടെ കൂപ്പുകൈ,🙂 എന്നും സ്നേഹത്തോടെ സുനില്‍ || ഉപാസനഓണ്‍ ടോപിക് : ഒരു പുനര്‍വായനയില്‍ ഈ പോസ്റ്റില്‍ ഞാന്‍ ചില വാക്കുകളുടെ ഉപയോഗം / വിന്യാസം ശരിയല്ല എന്ന് കണ്ടു (ആരും സൂചിപ്പിച്ചതല്ല, എനിയ്ക്ക് തോന്നിയതാണ്) . തെറ്റുകളൊക്കെ ശരിയാക്കി ഒരു റീപോസ്റ്റ് ഞാന്‍ ഉടന്‍ തന്നെ ചെയ്യുന്നതാണ്. പിന്നെ എന്തു കൊണ്ട് ഇങ്ങിനെ സംഭവിച്ചു എന്നാണ് ചോദ്യമെങ്കില്‍ ഇതാ മറുപടി. 1. പിറന്നാള് പോസ്റ്റ് പിറന്നാള് ദിനത്തില്‍ തന്നെ പബ്ലിഷ് ചെയ്യണമെന്ന മനസ്സിലെ ആഗ്രഹം.2. ആദ്യവായനയില്‍ പൊരുത്തക്കേടുകള്‍ ശ്രദ്ധിയില്‍ പെട്ടില്ല. 🙂
എന്റെ പിറന്നാള് സമ്മാനം ബ്ലോഗില് വച്ചിട്ടുണ്ട്‌..എടുക്കാന്‍ മറക്കരുത്‌..ഇഷ്‌ടായോന്നും പറയണം..
നന്ദന്‍ ഭായ് : ഭായിയുടെ കമന്റിലും ഞാന്‍ ഒരിറ്റ് കണ്ണീര്‍ കാണുന്നു. പെരുവയര്‍ എന്ന് പറഞ്ഞ് ചിരിച്ചപ്പോ അതൊരു ’ചിരി’യായി എനിയ്ക്ക് തോന്നിയില്ല. മറ്റൊരു തരത്തില്‍ പറഞ്ഞാല്‍ ചിരി എന്നതിന്റെ നിര്‍വചനങ്ങള്‍ക്കുള്ളില്‍ ഒതുങ്ങുന്ന ഒന്നായിട്ടല്ല ആ “ഹ ഹ ഹ” എനിയ്ക്ക് ഫീല്‍ ചെയ്തത്. അനുഭവങ്ങളുടെ ഒരു കത്തുന്ന ചീള്‍ ഞാനതില്‍ കണ്ടു. ആശംസകള്‍ക്ക് നന്ദി. 🙂ഹരീഷ് ഭായ് : നല്‍കി വരുന്ന സഹകരണങ്ങള്‍ക്ക് ഒരു പ്രണാമം. 🙂ടിന്‍സ് : നന്ദി സുഹൃത്തേ. 🙂എതിരന്‍ : “നന്നായി വരും” എന്ന അനുഗ്രഹത്തില്‍ ഞാന്‍ എനിയ്ക്ക് നല്ലത് വരാന്‍ മാത്രം ആഗ്രഹിക്കുന്ന ഒരു നല്ല മനസ്സിനെ കാണുന്നു. അനുഗ്രഹം സത്യമാവട്ടെ എന്ന് ഞാനും ആഗ്രഹിക്കുന്നു. 🙂നവരുചിയന് : അതെ രണ്ട് വര്‍ഷം ബൂലോകത്തില്‍. ഈ കാലയളവില്‍ ഞാന്‍ പലതും നേടി. പക്ഷേ വ്യക്തിജീവിതത്തില്‍ എങ്ങും തിരിച്ചടികള്‍ ആയിരുന്നു. ഇപ്പോഴും അത് തുടരുകയും ചെയ്യുന്നു. നവരുചിയന് ഉപാസനയുടെ ഒന്നാം വാര്‍ഷികാശംസ. 🙂ആശസകള്‍ അറീയിച്ച എല്ലാവര്‍ക്കും ഉപാസനയുടെ കൂപ്പുകൈ,🙂 എന്നും സ്നേഹത്തോടെ സുനില്‍ || ഉപാസന
ഇട്ടിമാളു : ആദ്യസന്ദര്‍ശനം..! ഔപചാരികതയുടെ മേമ്പൊടിയില്ലാതെ പറയട്ടെ… സന്തോഷമായി. 🙂അപ്പുവണ്ണാ : ആശംസകള്‍ക്ക് നന്ദി. എന്റെ ശരിക്കും പിറന്നാള് അറിയണമോ..? നാള് അശ്വതി തന്നെയാണ്. ഇത്രയും പോരെ. ശരിക്കും ജന്മദിനം അറിയണമെങ്കില്‍ എനിക്ക് ഒരു ഇമെയില്‍ ഇടൂ. ഞാന്‍ തരാം. sunilmv@gmail.comഅനൂപ് ഭായ് : ആരെയും മുഷിപ്പിക്കാതെ ഇനിയും എഴുതാമെന്ന് എനിയ്ക്ക് ആത്മവിശ്വാസമുണ്ട്. ഇത്തരം പിന്തുണകളും എനിയ്ക്ക് മുതല്‍ക്കൂട്ടാണ് അതിലേയ്ക്ക്. 🙂മാംഗ് : വായനയുടെ വസന്തമൊന്നുമായില്ലെങ്കിലും കാമ്പുള്ള എന്തെങ്കിലും എഴുതാനായാല്‍ മതി എനിയ്ക്ക്. കൂടുതല്‍ ഒന്നും വേണ്ട. ആശംസകള്‍ക്ക് നന്ദി. 🙂തോമാസൂട്ടി : ക്ലാസ്സിക് ആയ ചുറ്റുപാടില്‍ ജനിച്ച് വളര്‍ന്നവനാ ഞാന്‍. ആ ടച്ച് (സത്യമാണെങ്കില്‍) കഥകളിലും ഉണ്ടാവുക സാധാരണമാണ്. 🙂ആശസകള്‍ അറീയിച്ച എല്ലാവര്‍ക്കും ഉപാസനയുടെ കൂപ്പുകൈ,🙂 എന്നും സ്നേഹത്തോടെ സുനില്‍ || ഉപാസന
ആഗ്നേയ : എന്ത് കൊണ്ട് പിറന്നാള് ഒറ്റയ്ക്ക് ആഘോഷിച്ചു..? തിരുവാതിര നക്ഷത്രം വളരെ നല്ലതാണ്. ദീര്‍ഘസുമംഗലിയായിരിയ്ക്കാന്‍ സ്ത്രീകള്‍ ആ നാളില്‍ ഉറക്കമിളക്കാറുണ്ട്. 🙂 ലക്ഷ്മി മാഢം : എത്തി നോക്കി പുഞ്ചിരിച്ചതില്‍ സന്തോഷം. 🙂നിരക്ഷരന്‍ : ഇത്തരം പിറന്നാളുകള്‍ കാലാതിവര്‍ത്തിയാണ് സുഹൃത്തേ. മനസ്സില്‍ നിന്ന് പോകില്ല, എന്നെ സംബന്ധിച്ചിടത്തോളം. പിന്നെ എന്റെ പോസ്റ്റിലെ എല്ലാ വരികളും അര്‍ത്ഥവത്താണ്. ബ്ലോഗില് വിസ്മൃതിയിലേക്ക് തള്ളപ്പെടുക എന്നത് വളരെ എളുപ്പത്തില്‍ നടക്കുന്ന ഒന്നായിട്ടാണെന്നാണ് എനിയ്ക്ക് തോന്നിയിട്ടുള്ളത്. 🙂കുഞ്ഞാ : എന്റെ പിറന്നാളുകള്‍ വെക്കേഷനിലാണ് മിക്കപ്പോശും ‘ഫാള്‍’ ചെയ്യാറ്. ഇനി അഥവാ സ്കൂള്‍ ഉണ്ടായാലും പോവില്ലെന്നൊന്നും ഞാന്‍ പറഞ്ഞിട്ടില്ലല്ലോ. ആശംസകള്‍ക്ക് നന്ദി. 🙂സ്മിതേച്ചി : പോസ്റ്റ് ഇഷ്ടായെന്ന് അറീച്ചതിനും ആശംസിച്ചതിനും നന്ദി. 🙂ആശസകള്‍ അറീയിച്ച എല്ലാവര്‍ക്കും ഉപാസനയുടെ കൂപ്പുകൈ,🙂 എന്നും സ്നേഹത്തോടെ സുനില്‍ || ഉപാസന
ആചാര്യന്‍ : ഞാന്‍ ഒരു കാര്യം തുറന്ന് പറയട്ടെ. “എന്റെ ഉപാസന” യില്‍ എനിയ്ക്ക് വളരെ വളരെ കിട്ടുന്ന കോമഡി സെന്‍സില്‍ അല്ലെങ്കി വളരെ വളരെ ലാഘവബുദ്ധിയോടെയുള്ള കമന്റുകളില്‍ ഒന്നാണ് ആചാര്യന്റേത്. കാരണം ഞാന്‍ ഈ ബ്ലോഗില് എഴുതാറുള്ളത് സീരിയസ് സജക്ട് ആണ് എന്നത് തന്നെയാണ്. വാള്‍ എടുക്കുക എന്ന് പറയുക വഴി ആചാര്യന്‍ ഉദ്ദേശിച്ചത് “ഗാംഗുലി” പോസ്റ്റ് ആണെങ്കില്‍ അറിയൂ. ഞാന്‍ ആ പോസ്റ്റ് അണീയറയില്‍ തയ്യാറാക്കുന്നതേയുള്ളൂ. പബ്ലിഷ് ചെയ്യുക “മര്യാദാമുക്ക്” എന്ന ബ്ലോഗില് ആയിരിയ്ക്കും. 🙂ശോഭി : ഞാന്‍ തിരക്ക് പിടിച്ച് എഴുതിയതാ. അല്ലെങ്കില്‍ കുറച്ചധികം കൂടെ ടച്ചിങ്ങ് ആക്കാമായിരുന്നു. അറ്റിന് മാത്രം സ്റ്റഫ്സ് എന്റെ കയ്യിലുണ്ട്. 🙂എസ്‌വി : എനിയ്ക്ക് ഒരു സംശയം. ഇദ്ദേഹം എസ്.വി.രാമനുണ്ണി മാഷാണോ അല്ലയോ എന്ന്. 🙂 ആരായാലും ഒന്നുമില്ല കേട്ടോ. ഒരാകാംക്ഷ അത്രയേയുള്ളൂ. ആശംസകള്‍ക്ക് നന്ദി. 🙂സുരേഷ് ഭായ് : അണയാതെ കാക്കേണ്ടത് എന്റെ വായനക്കാരും കൂടെയാണ്. 🙂ആശസകള്‍ അറീയിച്ച എല്ലാവര്‍ക്കും ഉപാസനയുടെ കൂപ്പുകൈ,🙂 എന്നും സ്നേഹത്തോടെ സുനില്‍ || ഉപാസന
മര്‍മര്‍ : പേര് കൊള്ളാം ട്ടോ. ഓര്‍മ്മകള്‍ക്കെന്നും സുഗന്ധമാണ് സഖേ. പഴകിയ ഓര്‍മ്മകള്‍ക്ക് പ്രത്യേകിച്ചും. 🙂അരുണ്‍ ഭായ് : പ്രാര്‍ത്ഥനകള്‍ല്‍ നന്ദി. 🙂ബിന്ദു മാഢം : നമ്മള്‍ പലരും പലയിടത്തും വൈകിയെത്തുന്നവരാ, ജീവിതത്തിലും വൈകിയെത്തുന്നവരുണ്ട്. ഒരു വര്‍ഷത്തെ ആശംസകള്‍ക്ക് കൂപ്പുകൈ. 🙂വാളൂരാനേ : വന്‍പുഴക്കാവ് അമ്പലത്തെപ്പറ്റിയുള്ള ഭാഗം വാളൂരാന് നൊസ്റ്റാള്‍ജിക് ആയി തോന്നും എന്നെനിയ്ക്ക് ഉറപ്പായിരുന്നു. എത്രയെത്ര സന്ധ്യകള്‍ അല്ലേ…! ആ തണുപ്പ് മുറ്റി നില്‍ക്കുന നീണ്ട നിശബ്ദമായ ഇടവഴി തന്നെ ഒരു സുന്ദരമായ നിര്‍വൃതിയാണ് മുരളി മാഷെ എനിയ്ക്ക്. 🙂മുല്ലപ്പൂവ് : ഒരു പുഞ്ചിരി തന്നെ ധാരളമാട്ടോ. 🙂കെയെമ്മെഫ് : ഇതെവിടെയായിരുന്നു മാഷെ. കുറച്ചായല്ലോ ഈ മൂന്നക്കങ്ങളെ കണ്ടിട്ട്. സന്തോഷംണ്ട് ട്ടോ. 🙂 ആശസകള്‍ അറീയിച്ച എല്ലാവര്‍ക്കും ഉപാസനയുടെ കൂപ്പുകൈ,🙂 എന്നും സ്നേഹത്തോടെ സുനില്‍ || ഉപാസന
ഒന്നും പറയാന്‍ കിട്ടുന്നില്ല …മനോഹരമായിരിയ്ക്കുന്നു…ഇതെഴുതിയ വിരലുകള്‍ക്ക് ഭഗവാന്റെ വരപ്രസാദം ഉണ്ടെന്നു അറിയുന്നു…സര്‍വ മംഗളങ്ങളും നേരുന്നു…
പഴയകാല സ്മൃതികളാല്‍ സമ്പന്നമായ ഉപാസന ഇനിയും ഏറെ വാര്‍ഷികങ്ങള്‍ ആഘോഷിക്കട്ടെ..അരിമണി വറുത്തത്‌ തേങ്ങയുംശര്‍ക്കരുയുംകൂട്ടി ഇടിച്ച്.. ഹോ.. നാവില്‍ ആ രുചി വീണ്ടുമെത്തി..അന്നത്തെ ആ അരിമണിയുടെ രുചി ഇന്ന് ഒരു ബേക്കറി സാധനങ്ങളുക്കും തരാനാവില്ല.
ഉപാസന..കുറെ നാളുകളായി ഇതിലെ ഒന്നു വരാന്‍ ആശിക്കുകയായിരുന്നു.പലവിധ കാരണങ്ങളാല്‍ വരാനൊത്തില്ല.ഇന്ന് ഞാന്‍ വളരെ സന്തോഷത്തോടെ വന്നു പോകുന്നു.വരാനൊത്തത്‌ നന്നായെന്നു വായിച്ചപ്പോള്‍ ഉറപ്പായി.നന്നായിട്ടുണ്ട്‌.ഇനിയും വരാം പുതിയ പോസ്റ്റ് ഇടുമ്പോള്‍ ഒരു ഒരു ലിങ്ക്‌ തന്നാല്‍ ഓടിവരാമായിരുന്നു.സ്നേഹത്തോടെ. ലീല ടീച്ചര്‍
Leela Madam : Thanks for interested in ma stories. By the way i dont have the habit of informing ma readers about new posts by mail.<>But you can subscribe my blog posts via FEED BURNER whihc is attached on right side of ma blog as a Widget.<>You please subscribe.For any doubts, feel free to contact. Once again thanks🙂 Upasana
ഉപാസനയുടെ തൂലിക നിലക്കാതിരിക്കട്ടേ…ഈ എഴുത്ത് ഏറെ ഇഷ്ടപ്പെട്ടു. മനസ്സ് ആർദ്രമാക്കുന്ന വായന. മോന്റെ പിറന്നാൾ ദിനത്തിനായി പരിമിതമെങ്കിലും വിഭവങ്ങൾ ഒരുക്കാൻ ദൃതികൂട്ടുന്ന ആ അമ്മയെ എനിക്ക് കാണാം. സുനിൽ നല്ല മനസ്സുള്ളവർക്കേ ഇങ്ങനെ എഴുതാൻ കഴിയൂ…ഇനിയും എഴുതൂ….
പിറന്നാള് സ്മരണകള്‍ എവിടെയോ കൊണ്ടുപോയി.ശരിക്കും. ഇന്നത്തെ പിറന്നാള് ഒരു പിറന്നാള് ആണോ?അമ്മ പോയപ്പോള്‍ അതിന്റെ നിറം പോയി. അച്ഛന്‍ പോയപ്പോള്‍ ഗുണവും.
🙂ആശംസകൾ
This comment has been removed by the author.
പഹയന്‍ : ഞാന്‍ താങ്കളുടെ പോസ്റ്റ് വായിച്ചു. അത് നല്ല ഒന്നായിരുന്നു. അഭിപ്രാ‍യത്തിന് നന്ദി. 🙂ദേവരജ്ഞിനി : വരപ്രസാദം ഉണ്ടായിരിയ്ക്കാം. അയ്യങ്കോവ് ശാസ്താവിന്റെ ഒരു ദൃഷ്ടി എന്റെ മേലുണ്ടെന്ന് തോന്നാറുണ്ട് പലപ്പോഴും. ആദ്യസന്ദര്‍ശനത്തിന് നന്ദി. 🙂ബഷീര്‍ ഭായ് : മറ്റുള്‍ലവരുടെ പോലെ തന്നെ ഭായിയുടെ പിറന്നാള് ആശംസയും ഹൃദ്യമായി. നന്ദി. 🙂ലീലേച്ചി : അനോണിമസ് ആയി ട്രാക്ക് ചെയ്തോളൂ. അല്ലെങ്കില്‍ ഞാന്‍ എന്റെ ജിമെയില്‍ ഫോര്‍വേഡ് ലിസ്റ്റില്‍ ഉള്‍പ്പെടുത്താം. 🙂നരിക്കുന്നന്‍ : എന്റേത് നല്ല മനസ്സാണെന്ന് പലരും, പലപ്പോഴും പറഞ്ഞിട്ടുണ്ട്. ഇപ്പോള്‍ നരിയും. പിന്നെ അമ്മ എന്നുമൊരു നൊമ്പരമാണ്, വീകെനെസ്സ് ആണെനിയ്ക്ക്. വീണ്ടും വരിക. 🙂സുകന്യ മാഢം : നഗരങ്ങളില്‍ ജീവിക്കുന്നവര്‍ക്ക് ഇന്ന് പിറന്നാളൊക്കെ കൈമോശം വന്നെന്ന് തോന്നുന്നു. പക്ഷേ നാട്ടിന്‍പുറങ്ങളിലുള്ളവര്‍ക്ക് അത് ഇന്നുമൊരു നല്ല സ്മരണയാണ്. എനിയ്ക്ക് എല്ലാ വീട്ടുകാരും ഉള്ളത് കൊണ്ട് നാട്ടില്‍ പോയാല്‍ ഇക്കാലത്തും ഭംഗിയായി ആഘോഷിക്കാം. ആദ്യസന്ദര്‍ശനത്തിന് നന്ദി. 🙂എല്ലാവര്‍ക്കും കൂപ്പുകൈ.🙂 എന്നും സ്നേഹത്തോടെ സുനില്‍ || ഉപാസന
ആദ്യായിട്ടാ ഉപാസന വായിക്കുന്നേ…കൊള്ളാംട്ടോ…..
ഞാന്‍ പിറന്നാള് എന്നാണെന്ന് പോലും ഇടയ്ക്കു മറന്നു പോകും എന്നെ അമ്മ പിറന്നാള് മാസത്തില്‍ ഓര്‍മിപ്പിക്കും പക്ഷെ ആ ദിവസം പ്രാരാബ്ധങ്ങള്‍ക്കിടയില്‍ അമ്മേം മറക്കും അല്ലെന്കിലും എന്താഘോഷം അല്ലെ ? എന്നാലും many many happy returns of that day ഉപാസനയുടെ ബ്ലോഗിന്
This comment has been removed by a blog administrator.
This comment has been removed by a blog administrator.